चितवन, पुस २७ । आजबाट सुरुहुने भनिएको रत्ननगर महोत्सव स्थगित भएको छ । ओमिक्रोनको जोखिम बढ्दै गएको भन्दै महोत्सव स्थगित गरिएको आयोजक संस्था रत्नननगर उद्योग वाणिज्य संघ चितवनले जानकारी दिएको छ ।

हिजो एक विज्ञप्ती निकाल्दै पुस २५ गतेको केन्द्रीय कोभिड १९ व्यवस्थापन समितिले कोभिडको कारणले जनस्वास्थ्यलाई ध्यानमा राखि देशभर मेला महोत्सव संचालन गर्न नपाउने निर्णयलाई कार्यान्वयन गर्न जिल्ला प्रशासन कार्यालय चितवनमा पुस २६ गते डिसीसीएमसीको बैठकले जिल्लामा मेला महोत्सव गर्न रोक लगाएको कारण महोत्सव स्थगित गर्नुपरेको बताइएको छ ।

आयोजक मूल समितिका संयोजक एवम अध्यक्ष अनिलकृष्ण श्रेष्ठले प्रेस विज्ञप्ती जारी गर्दै अर्को सूचना जारी नभएसम्मका लागि हाललाई रत्ननगर महोत्सव २०७८ स्थगित गरिएको भनिएको छ । यसबाट पर्न गएको प्रतिकुल परिस्थितीपति क्षमा मागिएको छ।