नवलपुर (गैँडाकोट) । आज नेपालकै प्रथम सहिद लखन थापाको शालिक अनावरण गरिने भएको छ । नेपाल मगर संघ नगर समिति गैँडाकोटको आयोजनामा सो शालिकको अनावरण गरिने अध्यक्ष दुर्गवहादुर रानाले जानकारी दिनुभयो ।
नगरसमितिको २३औँ साधारण सभा एवम १३औँ अधिवेशन समेत आज गरिने र यही सन्दर्भमा प्रथम सहिद क्याप्टेन लखन थापा मगरको शालिक समुद्घाटन गरिने रानाले जानकारी दिनुभयो ।
गैँडाकोट ३, ४ र ८ को संगम लखनचोकमा शालिक अनावरण गरिने उहाँको भनाई छ । पूर्ण कदको साँढे ५ फिटको मुर्ति निर्माण गरेर त्यहाँ राखिएको छ । करिव १ कठ्ठा १८ धुर क्षेत्रफल रहेको जग्गामध्येमा शालिक राखिएको हो ।
जनजातीको संग्राहालय नजिक शालिक समेत राखेपछि आन्तरिक पर्यटन प्रवद्र्धनमा मद्दत मिल्ने रानाले जानकारी दिनुभयो । भावि पुस्तालाई समेत इतिहास बुझाउन सहज हुनेगरी थप योजना सहित मगर संघ लागिपरेको उहाँको भनाइ छ ।
