नवलपुर (ढोडेनी) । नवलपुरको गैँडाकोट ३ ढोडेनीमा रहेको देउराली सामुदायिक वनको नयाँ नेतृत्व चयनका लागि भोलि मतदान हुँदैछ । वनको ८ औं अधिवेशनबाट अध्यक्ष सहित केही पदमा मात्रै सर्वसम्मत भएपछि अन्य पदका लागि भोलि विहान ८ बजेदेखि मतदान हुने भएको हो । मतदान कार्यका लागि सवै तयारी पूरा भएको वनका कार्यालय सचिव बिजेश आलेले जानकारी दिनुभयो ।
भोलि हुने मतदानले उपाध्यक्ष, सचिव,कोषाध्यक्ष निर्वाचित गर्नेछ । अध्यक्ष सहित अन्य पदमा भने यसअघिनै सर्वसम्मतबाट चयन भइसकेका छन् ।
उपाध्यक्ष पदका लागि डिल बहादुर भुजेल र एक बहादुर गुरुङको उम्मेदवारी परेको छ । त्यस्तै सचिवका लागि कृष्णमाया पोख्रेल र राम माया थापा बीच प्रतिस्पर्धा हुने भएको छ । कोषाध्यक्ष पदमा बद्री प्रसाद रिमाल र कृष्ण बहादुर बि.क वीच प्रतिस्पर्धा हुने निर्वाचन अधिकृत कृष्ण प्रसाद खनालले जानकारी दिनुभयो । निर्वाचन भोलि बिहान ८ बजे देखि ३ बजे सम्म सामुदायिक वनको भवन परिसरमा हुनेछ ।
पुष १६ गते सुरु भएको २०औँ साधारण सभा तथा आठौँ अधिवेशनबाट अध्यक्षमा भने यसअघिनै नरवहादुर मुक्मी चयन भइसक्नुभएको छ । त्यस्तै सह–सचिवमा जितवहादुर गुरुङ चयन भइसक्नुभएको छ । बिष्णुहरि अधिकारीले सहयोग गरे पछि सहमति भएको थियोे भने उपाध्यक्षमा आकाक्षा राख्नुभएका सुमित्रा मिश्र र तिर्थराज अधिकारी पनि चुनाव बाट पछि हट्नुभएको थियो।
कार्यसमिति सदस्यहरुमा पनि यसअघिनै सर्वसम्मत चयन भइसकेका छन् । जसमा नरबहादुर सिँजाली,कृष्णवीर गुरुङ,कल्पाना गुरुङ, इन्द्र लाल भुजेल, मोती मायाँ पुलामी मगर, शान्ति खण्डलुक, पञ्चमाया गुरुङ, मिनु परियार, विष्णु परियार, मनिषा पौडेल, डिल्लिराम अधिकारी र शर्मिला ढकाल रहेका निर्वाचन समिति संयोजक कृष्ण प्रसाद खनालले जानकारी दिनुभयो ।
त्यस्तै लेखा संयोजकमा ठाकुर प्रसाद रिमाल र लेखा सदस्यमा श्रीजना मगर सर्वसम्मत चयन भइसक्नुभएको छ ।
वनमा ३४६ जना उपभोक्ता सदस्य रहेका छन् । वनको १७ सदस्यीय नयाँ कार्यसमिति वन्नेछ । सदस्यमा निवर्तमान अध्यक्ष स्वतह र एक जना मनोनित गरिनेछ । नयाँ कार्यसमितिको समयावधि ३ वर्षको हुनेछ ।
