पुस २३ । अफगानस्तानमा ११ जनाको मृत्यु भएको छ । अत्यधिक हिमपात र बाढीका कारण बुधबार कम्तीमा ११ जनाको मृत्यु भएको हो।

अधिकारीहरुले बिहीबार दिएको जानकारीअनुसार घटनामा परी देशभरीमा अरु २३ जना घाइतेसमेत भएका छन् ।

बुधबार हिमपात पछि भारी बर्षा भएर बाढी आएको पनि अधिकारीहरुले जनाएका छन् ।

देशको ९० प्रतिशत भूभागमा हिमपात, बर्षा र बाढीको असर परेको पनि सरकारी अधिकारीहरुले जानकारी दिएका छन् ।

हिमपात, बर्षा र बाढीका कारण मानवीय क्षतिसँगै भौतिक क्षति पनि भएको र आर्थिक नोक्सानी भएको जनाइएको छ ।