चितवन । चितवनका प्रमुख जिल्ला अधिकारी अस्मान तामाङ र चितवनका मत्स्य व्यवसायीवीचको विवाद समाधान भएको छ ।
स्थानीय उत्पादनलाई प्रोत्साहन गर्ने सीडीओले बताएर लचिलो वनेसँगै विवाद समाधान भएको हो । सीडीओ तामाङ र मत्स्य व्यवासयीवीच ६ बुँदे सहमति भएको छ । यही पुस १८ गते श्रीमतीले ५ केजि ३ सय ग्राम माछा महंगोमा किनेको भन्दै सीडीओले भरतपुर रिजाल चोक स्थित चितवन फिस हाउस पुगेर माछा व्यवसायीलाई गाली गलौच गरेको आरोप लाग्दै आएको थियो । ७ गते पोखरीबाट जलकपुर माछालाई २ सय ४० रुपैयाँमा माछा किनेकी सीडीओको श्रीमतीले १८ गते दिउँसो ३ सय रुपैयाँमा किन्नुपरेपछि सीडीओले आँफू ठगिएको भन्दै मुद्दा चलाउने बताउँदै आएका थिए ।
५ वर्ष सीडीओ बनेको तर पहिलो पटक विवादमा परेको भन्दै उनले बैठकमा स्वदेशी उत्पादन प्रवर्द्धन गर्न तयार रहेको जनाउँदै विवाद अगाडि बढाउन नचाहेको बताएको व्यवसायीको भनाई छ ।
२ घण्टा भएको छलफलमा भरतपुर मेयर दाहाल, सीडीओ तामाङ, नेपाल मत्स्य व्यवसायी संघका केन्द्रीय अध्यक्ष अम्बिकाप्रसाद अधिकारी, जिल्ला अध्यक्ष सुवेदी, उपाध्यक्ष लुलाराज तामाङ, जिल्ला सचिव नेत्र आले, संघका महानगर सल्लाहकार नारायण शर्मा विपिन, महानगरका प्रमुख प्रशासकिय अधिकृत रामबन्धु सुवेदी सहभागी थिए ।
