मनप्रसाद भाट
बुलिङटार । गण्डकी प्रदेशका उर्जा, जलस्रोत तथा खानेपानी मन्त्री हरि शरण आचार्यले बुलिङटार गाउँपालिकाका सवै वडामा चाँडै विद्युत पुर्याउने बताउनुभएको छ । आज बुलिङटार आइपुग्नुभएका मन्त्री आचार्यले बौदिकालि गाउँपालिकाका वडामा समेत विजुली पुर्याएर चाँडै उज्यालो प्रदेश घोषणा गर्ने बताउनुभएको हो ।
बुलिङटार गाउँपालिकामा भएको भेटघाट तथा अन्तरक्रिया कार्यक्रममा बोल्दै उहाँले बैशाख महिनाभित्र सवै घरमा विजुली वत्ती पुर्याउने बताउँदै उहाँले यसै आर्थिक वर्षमा प्रदेशका सवै घरमा खानेपानी सहित धारो पुर्याउने समेत बताउनुभयो ।
एक घर एक धाराको लक्ष्य पूरा गर्ने अन्तिम चरणमा रहेको भन्दै प्रदेशवासीका लागि सरकार सक्रियभई काम गरिरहेको बताउनुभयो ।
त्यस्तै मन्त्री आचार्यले कालिगण्डकी वारी रहेका सुख्खा टारहरुमा सिँचाई गर्न योजना सम्भाव्यता अध्ययन गर्ने र सम्भव भएसम्म कालिगण्डकीको पानीले सिँचाई गरी वाँझो वारी हुन नदिने समेत बताउनुभएको छ ।
कार्यक्रममा गाउँपालिका अध्यक्ष शसीकिरण वस्ताकोटीले गाउँपालिका भित्रका समस्याहरु राख्दै मन्त्री आचार्यलाई मागपत्र पेश गर्नुभएको छ ।
उक्त माग पत्रमा गाउँपालिका भित्र रहेका खानेपानी,सिँचाई,विद्युतीकरण आदि समस्यालाई समाधानकालागि प्राथमिकतामा राख्न आग्रह गर्नुभयो ।
