चितवन । चितवनको भरतपुर महानगरपालिका ७ मा रहेको कृष्णपुर खेल रंगशालामा चितवन जिल्ला ए डिभिजन लिग फुटवल प्रतियोगिता हुने भएको छ । यही पुष २० गतेदेखि माघ ८ गतेसम्म संचालन हुने प्रतियोगितामा १३ वटा टिम सहभागी हुने आयोजकले आज पत्रकार सम्मेलन गरी जानकारी दिएकोछ ।
खेल अन्तराष्ट्रिय नियम र प्रणाली अनुसार खेलाइने प्रयास भइरहेको आयोजकले जनाएको छ।
आयोजक संस्था चितवन जिल्ला फुटवल संघका महासचिव रामहरी ढकालले अखिल नेपाल फुटबल संघको वार्षीक कार्यक्रम अनुसार चितवन जिल्ला फुटवल संघको आयोजनामा चितवन जिल्ला ए डिभिजन लिग फुटबल हुने बताउनुभयो ।
हरेक वर्ष संचालन हुने चितवन जिल्लाको प्रतिष्ठित फुटवल प्रतियोगीताको गत संस्करण सम्पूर्ण तयारी कोभिड १९ को महामारीका कारण स्थगित भएको थियो ।
प्रतियोगितामा सहभागी टिमलाई दुई समूहमा विभाजन गरि राउण्ड रोविन लिग प्रणाली अनुसार खेल संचालन गरिने ढकालले बताउनुभयो । हरेक दिन दुई खेल खेलाईने र प्रत्येक समूहको शीर्ष दुई टिम सेमिफाइनल प्रवेश गर्ने बताईएको छ। लिग चरणका ३६ सेमिफाइनल र फाईनल गरी कुल ३९ खेल हुनेछ।
सेन्ट्रल कलेज को मुख्य प्रायोजनमा संचालन हुने प्रतियोगीतामा विजयी हुनेले १ लाख नगद र उपविजेता लाई ५० हजार सहित ट्रफि मेडल प्रमाणपत्र प्रदान गरिने छ । प्रतियोगितामा तेस्रो र चौथो हुनेलाई २५ हजारका दरले नगद प्रदान गरिने आयोजकले जनाएको छ।
खेलमा सौराहा युवा समाज सौराहा,माडी – ११ माडी,रामपुर फुटबल क्लव रामपुर,एभरेण्ट क्लव, चितवन,गितानगर व्वाइज क्लव, नारायणगढ फुटवल क्लव, हर्दी युवा समाज, भण्डारा,नारायणी मोटर्स युनीक क्लव वसेनी,एस्ट्रल युथ सोसाइटि, चोकबजार,नारायणी फुटवल क्लव,पानस युवा क्लब, कृष्णपुर,केविय ग्लोवल भरतपुर फुटवल क्लव र वगान यात्रा ग्रुप भरतपुर सहभागी हुनेछन्।
प्रतियोगिता सम्पन्न गर्न ७ लाख लाग्ने आयोजकले जनाएको छ। प्रतियोगितामा हरेक खेलको उत्कृष्ट खेलाडीलाई १ हजार नगद र ट्रफि, प्रतियोगिता अवधिभर सर्वाधिक गोलकर्तालाई ५ हजार र गोल्डेन वुट, सर्वाेत्कृष्ट गोलकीपरलाई ५हजार नगद सहित गोल्डेन ग्लोव्स,सर्वाेत्कृष्ट खेलाडीलाइ ५ हजार नगद र गोल्डेन वल प्रदान गरिने अध्यक्ष श्रीकृष्ण कार्कीले जानकारी दिनुभयो ।
जिल्लामा हुने यो प्रतियोगिता का कारण १५ जना भन्दा वढि खेलाडीले ए डिभिजन खेलेका छन् । जिल्लाको खेल क्षत्र विकासमा यसले सहयोग गरेको उहाँको भनाई छ । अहिले संचालन हुने प्रतियोगिताले पनि सक्षम खेलाडी उत्पादन हुनेमा आफू विश्वस्त रहेको बताउनुभयो ।
मुख्य प्रायोजक सेन्ट्रल कलेजका प्रमुख वाइवी पौडेलले आफ्नो कलेजले चितवन र नवलपुरमा हुने साना ठूला प्रतियोगितालाई सहयोग गर्दै आएको बताउनुभयो । खेल क्षेत्रको विकासका लागि निरन्तर सहयोग गर्दै आएको उहाँको भनाई थियो ।
कार्यक्रमको सहजीकरण मिडीया अफिसर पत्रकार शुसील पन्तले गर्नभएको थियो ।
