नवलपुर (बुलिङटार) । नवलपुर जिल्लाको बुलिङटारमा गाँउपालिका स्तरीय बालक्लब पुनर्गठन तथा बालमैत्री अभिमुखिकरण तालिम सम्पन्न भएको छ । त्रीभुवन माध्यमिक विद्यालयमा शनिवार सम्पन्न कार्यक्रमले क्लबको नयाँ कार्य समिति गठन गरेको छ ।
जसको अध्यक्षमा मनिस बि.क. चयन भएका छन् । १५ जनाको कार्यसमितिको उपाध्यक्षमा मन्दिप श्रेष्ठ र सदिक्षा सारु मगर, सचिवमा केशरीमायाँ तिवारी, कोषाध्यक्षमा नरेन्द्र लुङ्गेली, सह–सचिवमा देविका राना, सह–कोषाध्यक्षमा सृष्टि पाटा मगर छन् ।
सदस्यहरुमा दिनेश बैमा मगर, अमित पुलामी मगर, प्रिति विरकट्टा, कृपा सुनार, भुमिका आले, अंकिता आले र दिलिप परियार चयन भएका हुन् ।
क्लवका निवर्तमान अध्यक्ष टोल बहादुर राना मगरले नयाँ कार्यसमितिलाई पदभार हस्तानतरण गर्दै बाल क्लबको काम कारबाही र गरिमा अघि बढाउन शुभकामना दिनुभएको थियो । कार्यक्रममा निवर्तमान अध्यक्ष रानाले प्रमुख अतिथि बुलिङटार गाँउपालिकाका अध्यक्ष शशिकिरण बस्तकोटिलाई ३९ ओटा बालमैत्री सुचक हस्तान्तरण गर्नुभएको थियो ।
कार्यक्रमका प्रमुख अतिथि तथा बुलिङटार गाँउपालिकाका अध्यक्ष बस्ताकोटिले अधिकारको खोजि गर्दै गर्दा कर्तव्यको पनि ख्याल गरिनु पर्नेमा जोड दिनुभयो । बुलिङटारमा बालविवाह ठूलो समस्या भएकाले बाल क्लबका पदाधिकारीहरुले यसको रोकथाम र सचेतनाका लागि काम गर्न सुझाव दिनुभयो ।

बाल विवाहले बालबालिकाको क्षेत्रमा मात्र नभई बुलिङटार पालिका भरिकैै कुरिती समाज बनेकाले सबै जनाप्रतिनिधीहरुलाई हातेमालो गर्न आग्रह समेत गर्नभएको थियो ।
विशिष्ट अतिथि तथा बुलिङटार गाँउपालिकाका निमित्त प्रमुख प्रशासकीय अधिकृत सिताराम खनालले बालक्लब बाट नै बालबालिकाको हक अधिकारको विषयमा वकालत गर्न सजिलो हुने बताउनु भयो । बालक्लबमा आवद्ध भइसकेपछि भविष्यमा ठूलो नेतृत्व बहन गर्न सकिने क्षमता अभिवृद्धि हुने उहाँको भनाई थियो । खनालले बालबालिकाका लागि विभिन्न खालका वातावरण गाउँपालिकाबाट सहयोग हुने बताउनुभयो ।
यसैगरि विशिष्ट अतिति तथा बुलिङटार गाँउपालिकाका शिक्षा शाखा प्रमुख बुद्धप्रसाद रानाभाटले बालबालिकालाई किताबी ज्ञानको मात्र नभई बाहिरी ज्ञानको पनि आवश्यक पर्ने स्पष्ट पार्नुभयो । उहाँले शिक्षा शाखा बाल सञ्जाल संग हातेमालो गर्न आतुर रहेको बताउनु भयो ।
कार्यक्रममा विभिन्न वडाका वडाध्यक्षहरु, विभिन्न माध्यमिक विद्यालयका प्रधानध्यापक तथा समाजिक व्यक्तित्वहरुले मन्तव्य राख्नुभएको थियो ।
कार्यक्रममा पालिका भरिका विभिन्न वडाका बालबालिकाहरुको सहभागिता रहेको थियो । सञ्जालका सचिव गुना सिञ्जालीले मन्तव्य मार्फत स्वागत गरिएको कार्यक्रमको सहजीकरण देव बडाचुलि मा.वि. का शिक्षक तिलक राम बिर्कट्टले गर्नु भएको थियो ।