गैँडाकोट (ढोडेनी) । नवलपुरको गैँडाकोट ३ ढोडेनीमा रहेको देउराली सामुदायिक वन उपभोक्ता समूहको अध्यक्षमा नर बहादुर मुक्मी सर्वसम्मत चयन हुनुभएको छ । तर पदाधिकारीका अन्य पदहरुमा भने अझैसम्म सहमति हुन सकेको छैन ।
१ जना उपाध्यक्षका लागि ४ जनाले , १ जना सचिवका लागि ३ जनाले, १ जना कोषाध्यक्षका लागि २ जनाले र १ जना सहसचिवका लागि २ जनाले आकांक्ष राखेका छन् । अझै पनि सहमतिको प्रयास भने जारी रहेको छ ।
त्यस्तै कार्यसमिति सदस्यहरुमा पनि सर्वसम्मत चयन गरिएको छ । जसमा नरबहादुर सिँजाली,कृष्णवीर गुरुङ,कल्पाना गुरुङ, इन्द्र लाल भुजेल, मोती मायाँ पुलामी मगर, शान्ति खण्डलुक, पञ्चमाया गुरुङ, मिनु परियार, विष्णु परियार, मनिषा पौडेल, डिल्लिराम अधिकारी र शर्मिला ढकाल रहेका निर्वाचन समिति संयोजक कृष्ण प्रसाद खनालले जानकारी दिनुभयो ।
त्यस्तै लेखा संयोजकमा ठाकुर प्रसाद रिमाल चयन भएका छन् । लेखा सदस्यहरुमा श्रीजना मगर सर्वसम्मत चयन हुँदा एक जना सदस्य मा कुनैपनी उम्मेद्बारी नै दर्ता भएको छैन ।
वनमा ३४६ जना उपभोक्ता सदस्य रहेका छन् ।
निर्वाचन समितिका अनुसार पुष २१ गते बुधवार विहान ११ बजेसम्म उम्मेदवारी फिर्ता लिने समय तोकिएको छ भने सर्वसम्मत हुन नसकेको पदका उम्मेदवारबाट २१ गते दिउँसो १ बजेसम्म एकप्रति फोटो र मतपत्र छापइको खर्चका लागि प्रति उम्मेदवार रु. ५ हजार बुझाउन भनिएको छ ।
फोटो र नगद नबुझाए उम्मेदवारी स्वतह खारेज हुने जनाइएको छ । निर्वाचन मिति २४ गतेलाई तोकिएको छ ।विहान ८ बजेदेखि अपरान्ह ३ बजेसम्म संचालन हुने निर्वाचन संयोजक खनालले जानकारी दिनुभयो ।
वनको १७ सदस्यीय समिति वन्नेछ । सदस्यमा निर्वर्तमान अध्यक्ष स्वतह र एक जना मनोनित गरिनेछ । नयाँ कार्यसमितिको समयावधि ३ वर्षको हुनेछ ।
