नवलपुर (गैँडाकोट), पुष १४ । नवलपुरको गैँडाकोट नगरपालिका वडानम्वर २ मा रहेको सुर्यभक्त पतना देवि मेमोरियल कलेजले १६ औं वार्षिकोत्सव एंव प्रथम सभा सम्पन्न गरेको छ ।
कार्यक्रमका प्रमुख अतिथि गण्डकी प्रदेश बिधायन समिती सभापति एवम गण्डकी प्रदेश सदस्य बिष्णु लामिछानेले कलेजको भौतिक र शैक्षिक विकासका लागि निरन्तर सहयोग गर्ने बताए । शिक्षामा लगानी गर्न केन्द्र ,प्रदेश तथा स्थानीय तहका सरकार तयार रहनु पर्ने बताउँदै गण्डकी प्रदेशले आव ०७६÷०७७ मा दिएको २५ लाखले कलेजको भवन निर्माण कार्य सम्पन्न भएकोमा खुसी व्यक्त गरे ।
कार्यक्रममा ३ जना प्राध्यापक र कलेजमा अध्ययनरत ५ जना बिद्यार्थीलाई सम्मान गरिएको थियो ।
साथै १६ औं वार्षिकोत्सवको प्रथम कलेज सभाले अध्यक्षमा महेन्द्रभक्त अधिकारि लाई चयन गरेको छ । आज बसेको कलेज सभाको भेलाले पुन अधिकारीलाई चयन गरेको र अन्य पदहरु केही समय पछि गरिने कलेजका क्याम्पस प्रमुख दिपेन्द्र पौडेलले जानकारी दिए ।
सो अवसरमा एस.पि.एम आमसंचार क्लब द्रारा प्रकाशित एस.पि.एम सन्देशको पनि विमोचन गरिएको थियो।
कार्यक्रममा सस्थापक कलेज प्रमुख गोबिन्दराज विनोदी ,गैंडाकोट नगरपालिकाका नगर–उप प्रमुख बिष्णु कुमारी कंडेल,नेपाली कांग्रेस नगरसभापति बद्री सापकोटा , ने.क.पा एमालेका नगर कमिटी अध्यक्ष षडानन्द लामिछाने , समाजसेवी ओम सापकोटा, सस्थापक अध्यक्ष मदनभक्त अधिकारी , गैंडाकोट नगरपालिका ४ का वडा अध्यक्ष कृष्ण प्रसाद न्यौपाने , गैंडाकोट नगरपालिका वडा नम्बरका ५ का वडा अध्यक्ष नवराज कंडेल , जयश्री सामुदायिक वनका अध्यक्ष टोलनाथ घिमिरे , वडा सदस्य पार्वती सापकोटा (वडा नं ५) वडा सदस्य प्रकाश सापकोटा, जिल्ला फुटबल महासचिव लक्ष्मण कार्की लगाएतको उपस्थित रहेको थियो ।
कार्यक्रममा कलेज ब्यवस्थापन समितीका उपाध्यक्ष निलाकन्ड मरासिनी युवा रेड्क्रस सर्कलको अध्यक्ष लक्ष्मी कंडेलले स्वागत मन्त्व्य राखीन् भने सम्पुर्ण बिद्यार्थीको तर्फबाट हेरम्ब कुमार श्रेष्ठ प्राध्यापकहरुको तर्फ बाट प्राध्यापक संघका सभापति शिवजी अधिकारीले शुभकामना मन्तव्य राखेका थिए । कार्यक्रममा कलेजका क्याम्पस प्रमुख दिपेन्द्र पौडेलले आय – व्याय अनुमानित खर्च लगायत भावी योजना पेस गरेका थिए ।
महेन्द्रभक्त अधिकारीको अध्यक्षतामा सम्पन्न कार्यक्रम शिक्षा संकाय प्रमुख माधव प्रसाद सिग्देलले संचालन गरेका विद्यार्थी इन्द्रज्योति पोखरेलले जानकारी दिए ।
