नवलपुर । जल्ला प्रहरी कार्यालय नवलपरासी (पूर्व) ले ठूलो परिमाणमा अवैध रुपमा भित्राइएको व्याट्री बरामद गरेको छ ।
आज बिहान २ बजेतिर कावासोती नगरपालिका ८ स्थित थानाचोकमा पूर्व बाट पश्चिम तर्फ आउदै गरेको बाग्मती प्रदेश ०३–००१ ख १५५२ नम्बरको ट्रकबाट व्याट्री बरामद गरेको सूचना अधिकारी प्रहरी निरीक्षक सागर पन्तले जानकारी दिए ।
चेकजाँच गर्ने क्रममा कागजात नभएका २४.१६० टन पुराना ब्याट्रीहरु उक्त मूल्य वरावरको फेला पारी ट्रक चालह सहित ३ जनालाई पक्राउ गरेको पन्तले बताए।
उनका अनुसार ट्रक चालक सर्लाही मलङ्गवा नगरपालिका २ बस्ने बर्ष २७ का प्रमोद राय र सोही ट्रकमा सवार जिल्ला रौतहट परौवा नगरपालिका ६ बस्ने बर्ष ४७ का निरज कुमार जैसवाल र जिल्ला सर्लाही मलङ्गवा नगरपालिका २ बस्ने बर्ष १८ का आकाश कुमार पक्राउ परेका र आवश्यक कार्वाहीको लागी ट्रक सहित राजश्व अनुसन्धान कार्यालय वुटवल रुपन्देही पठाईएको प्रहरीले जानकारी दिएको छ ।