गैँडाकोट । युटुवमा लोकदोहोरी कार्यक्रम तर्फ अधिकतम मन पराइएको कार्यक्रम इन्द्रेणीका सम्पूर्ण टिम आज गैँडाकोट ४ मा आएर सुटिङ सकाएको छ । हिमालयन टेलिभिजन र इन्द्रेणी डटकम को आफ्नै युटुव च्यानल मार्फत दोहोरी गित प्रस्तुत गरिरहेको उक्त टिम आइतवार गैँडाकोट ४ द फेमिल क्याफे एण्ड पार्टी प्यालेसमा आएको हो ।
उक्त अवसरमा इन्द्रेणीका कलाकार सहित लोकगायक मिलन लामा, अमरविरही गुरुङको समेत प्रस्तुती रहेको थियो । मौलाकालि गैँडाकोटमै भन्ने भाकामा मिलन लामा, श्रीराम अधिकारी, भूमिका वयक,कृष्णा बजगाईको दोहोरी प्रस्तुती पछि आर्थिक सहयोग गर्नेहरुको ताँती नै लागेको थियो ।
कृष्ण कडेँल इन्द्रेणी फाउण्डेशन मार्फत दुखी गरिवहरुलाई सहयोग समेत गर्दै आएको भन्दै संयोजक कृष्ण कडेँलले आर्थिक सहयोगका लागि आह्वान गरेका थिए । सो अवसरमा कार्यक्रममा उपस्थित भएका व्यक्तिहरुले आफूले सकेको सहयोग गरेका थिए ।
केही परिवारले एक लाख भन्दा बढी सहयोग गरेका थिए । दिएको सहयोगको केही रकम दुखी पीडितहरुलाई, केही गौशालालाई, केही इन्द्रेणीकै व्यक्तिलाई र केही इन्द्रेणीको स्टुडियो निर्माणका लागि उनीहरुले सहयोग गरेका थिए ।
संस्कृति सभ्यताको जननी हो भन्ने नारा सहित उज्यालो नेपाल निर्माणको अभियनमा आफूहरु रहेको र गीत संगित मार्फत दुखी गरिवहरुको समेत सहयोग गर्दै आएको फाउण्डे एवम उक्त कार्यक्रमका संयोजक कृष्ण कडेँलले बताए । संकलित आर्थिक सहयोगमध्ये दुइ जनालाई २०/२० हजारले र एक जनालाई बच्चाको उपचारका लागि २५ हजारको चेक सोही अवसरमा कडेँलले सहयोग समेत गरेका थिए ।
कार्यक्रममा १ सय वर्ष सम्मका स्थानीय उपस्थित भएर लोकसंस्कृतिको संरक्षण गरेको भन्दै कडेँललाई धन्यवाद सहित आशीर्वाद दिएका थिए । केहीले आफूहरु दुख र पीडामा रहेको भन्दै सहयोगको अपील गर्दा कडेँलले फाउण्डेशन मार्फत सहयोग समेत गरेका थिए ।
कार्यक्रमको सुरुमा गैँडाकोट नगरपालिकाका नगरप्रमुख छत्रराज पौडेल, वडाअध्यक्षहरु नवराज कडेँल, कृष्णप्रसाद न्यौपाने, हरिप्रसाद सापकोटा लगायतको समेत उपस्थिती रहेको थियो ।
