चितवन। केही समय पहिले हो , भरतपुर महानगरपालिका प्रमुख रेनु दाहालले नारायणी नदी किनारलाई विदेश जस्तै बताउने बताइन् । आफ्नो पीता एवम नेकपा माओवादी केन्द्रका अध्यक्ष पुष्पकमल दाहाल प्रचण्ड प्रमुख अतिथि रहेको कार्यक्रममा उनले पर्याप्त बजेट पाए नारायणी नदी किनारलाई सी वीच मोडल बनाउने बताएकी थिइन् ।
पछिल्ला समय प्रचण्ड र रेनु आफैले एमाले महाधिवेशन देखि विभिन्न कार्यक्रममा आएका स्थानीय तथा जनतालाईहरुलाई भरतपुरको विकास हेर्न आएको बताइरहेका छन् ।
तर त्यसरी विदेश जस्तै बनाउने भनिएको भतरपुर महानगरमा विगत एक हप्तादेखि फोहोर नै उठाइएको छैन । जसले गर्दा स्थानीय देखि व्यवसायी आक्रोशीत सँगै दुर्गन्ध फैलिने भन्दै चिन्तीत छन् । फोहोर व्यवस्थापन गर्ने भन्दै महिनाको पाँच सय सम्म बुझाउने गरेको उनीहरुले सुनाए । तर विगत एक हप्तादेखि फोहोर नै उठेको छैन ।
कुनै भिआइपी आउँदा घडा सजाएर स्वागत गरिएजसरी समृद्ध भरतपुर बताइएको यहाँ दायाँवायाँ फोहोरको थुप्रोले स्वागत गरिएको छ ।
महानगरले भने फोहोर उठाउन पहल भइरहेको बताइरहेको छ । तर स्थानीयले महानगरले पटक पटक विकास गर्ने बताएपनि काम नगरेपछि अवरोध गर्नुपरेको बताएकाछन् ।
महानगरमा दैनिक करिव ६५ देखि ७० टन फोहोर उठ्ने गरेको छ । वर्खाको समय भरतपुर २४ धु्रवका स्थानीयले फोहोर फाल्न नदिएपछि फोहोर उठ्न नसकेको हो । हिउँदमा भरतपुर ३ नगर वन र वर्खामा उक्त स्थानमा महागनरले फोहोर फाल्दै आएको छ ।
फोहोर व्यवस्थापनका लागि महागनरले कोरियन कम्पनीसँग पनि सम्झौता गरेको थियो । तर फिल्डमा देखिनेगरी कुनै काम भएको छैन । सुडोनोन ल्यान्ड–फिल्ड साइट म्यानेजमेन्ट नामक कोरियन संस्थाको साझेदारीमा भरतपुर–२, आँपटारीमा स्यानिटरी ल्यान्डफिल्ड साइट बनाउने महानगरको योजना छ । त्यहाँ महानगरको १५ बिघा जग्गा छ । कोरियन संस्थासँग २०७५ भदौमा सम्झौता भएको थियो । ल्यान्डफिल्ड साइट निर्माणका लागि डिसेम्बरभित्रै कोरियन संस्थासँग एमओयू हुन लागेको महानगरले जनाएको छ ।
यो समय सम्झौता भएपनि फिल्डमा काम सुरु हुन अझै कम्तीमा डेढ वर्ष लाग्ने देखिन्छ । कुहिने र नकुहिने फोहोरलाई घरमै छुट्टयाएर कुहिने फोहोरबाट मल बनाउने अभियान पनि सञ्चालन गरिएको महानगरले जनाएको छ । तर व्यापारीक क्षेत्र नारायणगढमा भने त्यो देखिदैन । कुहिने नकुहिने सबै फोहोर ल्याएर थुपारेको देखिन्छ जसले अझ बढी दुर्गन्ध फैलाएको छ ।
