चितवन, मंसिर २८ । एमसीसी खारेजीको माग गर्दै आज चितवन बन्दको आह्वान गरिएको पनि असर आंशिक परेको छ । विहान साँढे ६ बजे नै सवारी बन्द गराउन आएका व्यक्तिहरुलाई चितवन प्रहरीले नियन्त्रणमा लिएसँगै बन्दको प्रभाव कम परेको हो ।
एमसीसी सम्झौता नेपालको हितमा नरहेको र विरोध नभए सम्झौता पास हुने निश्चित भएपछि बन्द लगायतको कार्यक्रम गर्नुपरेको एमसीसी खारेजी अभियान संयुक्त संघर्ष समितिका संयोजक फणीन्द्र आचार्यले बताए ।
शैक्षिक संघ संस्था, व्यापार व्यवसाय पूर्णरुपमा बन्द रहेका छन् भने सवारी साधनहरुमा पर्याप्त मात्रामा संचालन भइरहेका छन् ।
एमसीसी सम्झौता नेपाल र नेपाली जनताको हितमा नरहेको भन्दै यसको खारेजी हुनुपर्ने माग गर्दै १३ वटा राजनीतिक दल सहितले चितवन बन्दको आह्वान गरेका थिए ।
१३ वटा राजनीतिक दलहरुमा विप्लव नेतृत्वको नेकपा माओवादी, ऋषि कट्टेल नेतृत्वको नेकपा, वैद्य नेतृत्वको नेकपा क्रान्तिकारि,नेकपा मसाल,नेकपा माले, देशभक्त जनगणातान्त्रीक मोर्चा लगायत रहेको उनको भनाई छ।
हालसम्म बन्द गराउन हिँडेकामध्ये भण्डाराबाट राम सेढाई र ओम डलकोटी सहित चार जना, पुल्चोकबाट घननाथ सापकोटा, अशोक शर्मा,सन्देश पौडेल, डम्मर पुरि,प्रकाश ढकाल, पोषकान्त चापागाईं,अमर बहादुर थापा, सुरेश गोतम, कृष्ण विकलाई प्रहरीले नियन्त्रणमा लिएको संघर्ष समितिका सचिव अजिव पौडेलले जानकारी दिए ।
