चितवन । नेपाली काँग्रेसको १४औँ महाधिवेशनको आज उद्घाटन गरिएको छ । भृकुटीमण्डपमा महाधिवेशनको उद्घाटन भएको हो । मञ्चमा काँग्रेस सभपाति शेरवहादुर देउवा, एमाले अध्यक्ष केपी शर्मा ओली, नेकपा माओवादी केन्द्रका अध्यक्ष पुष्पकमल दाहाल प्रचण्ड, एकीकृत समाजवादी पार्टी का अध्यक्ष माधव कुमार नेपाल लगायतका शीर्ष नेताहरु एउटै मञ्चमा बसे । महाधिवेशनले नयाँ नेतृत्व चयन गर्दैछ ।
काँग्रेसले १६५ प्रतिनिधिसभा निर्वाचन क्षेत्रबाट निर्वाचित महाधिवशेन प्रतिनिधि, भ्रातृ तथा शुभेच्छुक संस्थाबाट मनोनित र जनसम्पर्क समितिबाट चयन भएका प्रतिनिधिहरु गरी कुल मतदाता ४ हजार ७४३ रहेको जानकारी दिएको छ । यसअघि निर्वाचन समितिले प्रारम्भिक सूची सार्वजनिक गर्दा ४ हजार ३१९ जना प्रतिनिधिको सूची सार्वजनिक गरेको थियो ।
अब शनिबार बिहान दश बजेदेखि साँझ पाँच बजेसम्म उम्मेदवारी मनोनयन दर्ताको समय तोकिएको छ भने मंसिर २६ गते उम्मेदवारको अन्तिम नामावली प्रकाशन गरिने निर्वाचन समितिले जनाएको छ । मंसिर २७ गते मतदान हुने महाधिवेशन कार्यतालिका रहेको छ ।
केन्द्रीय सदस्य एवं देशभरबाट ४ हजार ४२२ महाधिवेशन प्रतिनिधि चयन भएका छन् । भ्रातृ तथा शुभेच्छुक संस्थाबाट १२५ महाधिवेशन प्रतिनिधि सिफारिस भएका छन् भने जनसम्पर्क समितिबाट १८४ जना महाधिवेशन प्रतिनिधि चयन भएको निर्वाचन समितिले जनाएको छ ।
https://drive.google.com/file/d/1zs_5PuPp3y3gk-VNTnWnnB7IASnlqhRT/view?usp=sharing
