काठमाण्डौ । नेपाली काँग्रेसको १४औँ महाधिवेशन अन्तत आजदेखि सुरु हुँदैछ । महाधिवेशनको केहीवेरमा उद्घाटन गरिने काँग्रेसले जनाएाके छ ।
पटक पटक तोकिएका मिति सार्ने र स्थगित हुने प्रकृया हुँदै समयमै महाधिवेशन गर्न नसकिरहेको काँग्रेसले आज भने उद्घाटन गर्ने भएको हो ।
बन्दसत्र र निर्वाचन प्रक्रिया आजनै सुरू हुने तालिका छ । लमहाधिवेशनमा ४ हजार ६ सय महाधिवेशन प्रतिनिधि सहभागी हुँदै छन भने १ सय ३४ सदस्यीय कार्यसमिति चयन हुने काँग्रेसको विधानमा उल्लेख छ ।
महाधिवेशनले आगामी ५ वर्षका लागि नयाँ नेतृत्वसहित १ सय ३४ सदस्यीय कार्यसमिति चयन गर्नेछ । ‘उत्साह, एकता, रूपान्तरण ः सफल बनाऔं नेपालीको कांग्रेसको १४ औं महाधिवेशन’ मूल नाराका साथ महाधिवेशन सुरु हुन लागेकोहो ।
भृकुटीमण्डपमा नेतृत्वका आकांक्षीले आचारसंहिताविपरीत टाँगेका प्रचार सामग्री बिहीबार हटाइएको छ । महाधिवेशनमा शेरवहादुर देउवा पक्ष र संस्थापन इतर पक्षवीच चुनावी प्रतिस्पर्धा हुने देखिएको छ ।
यो संख्या १३ औं महाधिवेशनभन्दा करिब १ हजार ५ सयले बढी हो । पार्टीको संशोधित विधानअनुसार १ सय ६५ निर्वाचन क्षेत्र, २६ वटा भ्रातृ तथा शुभेच्छुक संस्था र २९ वटा विदेशस्थित जनसम्पर्क समितिबाट प्रतिनिधि निर्वाचित भएका छन् । भ्रातृ तथा शुभेच्छुक संस्था र जनसम्पर्क समितिबाट सहभागी हुने महाधिवेशन प्रतिनिधिको मताधिकार भए पनि उनीहरू उम्मेदवार हुन पाउने छैनन् ।
महाधिवेशन प्रतिनिधिका लागि सुन्धारा, ठमेल र गौशालाका होटलमा आवासको व्यवस्था गरिएको छ । प्रवक्ता विश्वप्रकाश शर्माका अनुसार पार्टी सभापति एवं प्रधानमन्त्री शेरबहादुर देउवाले दिउँसो १ बजे भृकुटीमण्डपमा आयोजित समारोहमा महाधिवेशन उद्घाटन गर्नेछन् ।
