चितवन । नेपाल आदिवासी जनजाति पत्रकार महासंघ ” फोनिज” चितवनको नयां नेतृत्व चुनिने भएकाे छ। यही मंसिर २५ गते हुने आठौं बार्षिक साधारणसभा तथा चौंथो जिल्ला अधिवेशनले नयां नेतृत्व दिनेछ । साधारणसभा तथा अधिवेशनको तयारी सकिएको फाेनिज चितवनका अध्यक्ष सन्दिप कुमार श्रेष्ठले जानकारी दिए ।
उक्त अवसरमा ” फोनिज सन्देश चितवन” नामक पुस्तकको समेत विमोचन गरिने श्रेष्ठले बताए । करिब ६ दिनको तयारीमा पुस्तक प्रकाशन साथै सबै जसो कार्यक्रमलाई आफ्नो ठाउँबाट सरसल्लाह,सहयोग, सद्भभाव र आत्मीयता प्रदान गर्ने सबैमा श्रेष्ठले आभार व्यक्त गरेका छन् ।
जिल्ला सचिव तुलमान गुरुङका अनुसार फाेनिज चितवनले पहिलाे पटक पुस्तक प्रकाशन गरेकाे हाे । जसमा आदिवासी जनजातिका विषय, हिजाे र आजकाे अवस्था, फाेनीजकाे स्थापना तथा गतिविधि, मिडियामा आदिवासी जनजातिहरुकाे पहुँच लगायतका विषय पुस्तकमा समावेश गरिएकाे छ । पुस्तकको साेही दिन विमाेचन गरिने छ ।
साथै साेही अवसरमा फाेनिज चितवनका संस्थापक अध्यक्ष एवम् दुई दशक देखि पत्रकारितामा सक्रिय पत्रकार सन्तकुमार चाैधरी, दुई दशकदेखि पत्रकारितामै रहेका पत्रकार बबिलाल तामाङ र नया क्रियाशीलतालाई हेरेर पत्रकार प्रतिमा कुमाललाई सम्मान गर्ने भएकाे छ। सम्मान छनाैट समिति संयाेजक एवम् फाेनिजका अध्यक्ष सन्दीप श्रेष्ठकाे नेतृत्वले सम्मानित हुने पत्रकारहरुकाे छनाैट गरेकाे हाे ।
२०६७ सालमा फाेनिजकाे चितवन शाखा स्थापना भएकाे हाे ।