चितवन, मंसिर २३ । चितवनमा आज विहान सवारी दुर्घटना भएको छ । काठमाण्डौ पोखराको मुख्य सडक पृथ्वीराजमार्गको फिस्लीङमा सवारी दुर्घटना हुँदा आठ जना यात्रु घाइते भएका छन् ।
चितवन ट्राफिकका अनुसार आज विहान ९ बजे चितवनको इच्छाकामना गाउँपालिका ३ फिस्लिङमा सवारी दुर्घटना भएको हो ।
मुग्लिनबाट काठमाण्डौ तर्फ जाँदै गरेको बा ३ ख ८६३० नम्वरको हाइसलाई सोही दिशाबाट जाँदै गरेको ना ६ ख ३५०३ नम्वरको डिव्वा ट्रकले पछाडीबाट ठक्कर दिएको ट्राफिक प्रहरीले जनाएकोछ । हाइसमा सवार ८ जना सामान्य घाइते भएको र उनीहरुको स्थानीय मेडिकलमा उपचार चलिरहेको छ ।
ट्रकले पछाडीबाट ठक्कर दिँदा हाइस सोही ठाउँ वस्ने तील वहादुर गुरुङको घरमा ठोक्किन पुगेको र सामान्य भौतिक क्षती भएको प्रहरीले जानकारी दिएको छ । ठक्कर दिने ट्रक र चालक इलाका प्रहरी कार्यालय मुग्लिनको नियन्त्रणमा रहेको प्रहरीको भनाई छ ।