नवलपुर,मंसिर २२ । जिल्ला प्रहरी कार्यालय नवलपरासी (पूर्व) ले तास खेलिरहेको अवस्थामा पाँच जनालाई पक्राउ गरेको छ ।
आज बेलुकी साँढे ५ बजेतिर देवचुली १४ साहारा चोक बस्ने बर्ष ४४ का सुरेन्द्र श्रेष्ठको घरमा जुवातास खेलिरहेको अवस्थामा पक्राउ गरिएको सूचना अधिकारी प्रहरी नायव उपरीक्षक दिलिप गिरीले जानकारी दिए ।
प्रहरीका अनुसार देवचुली १४ का सुरेन्द्र श्रेष्ठ, खेमलाल रिजाल , युवराज न्यौपाने, ओम प्रसाद पौडेल र देवचुली १३ का कृष्ण बहादुर थापा पक्राउ परेका हुन् ।
नगद एक लाख एकासि हजार सात सय पाँच र तिन बुक तास सहित नियन्त्रणमा लिई आवश्यक अनुसन्धान भईरहेको गिरीले बताए ।