चितवन । नेकपा एमालेका केन्द्रीय सदस्य एवम प्रचार विभाग उपप्रमुख सूर्य थापाले एमाले महाधिवेशन भव्य रुपमा सम्पन्न भएको बताएका छन् । प्रेस चौतारी चितवनले आज भरतपुरमा गरेको पत्रकारसम्मेलनमा बोल्दै थापाले एमाले महाधिवेशनबाट जनता,राष्ट्र, चितवनका सवै खुशी हुँदा जम्मा एक जना व्यक्ति बेखुशी भएको उनको भनाई थियो । नाम नबताएका उनले प्रचण्डको अन्य सवै विवरण बताउँदै एमाले महाधिवेशनबाट एक व्यक्तिमात्रै बेखुशी भएको बताए ।
“चितवनका सवै क्षेत्र खुशी छन्, देश खुशी छ एक जना मान्छे चाहिँ अलि बेखुशी छ म नाम चाहिँ लिइन उनले भने,“छटपटिएका छन्, चितवनमा मलाई मेरो छोरीलाई घेरावन्दी गर्न भन्दै कराका कराई छन् । उनी जनप्रतिनिधि पनि हुन् । दुखका साथ भन्नुपर्छ हाम्रो मतलेनै निर्वाचित भएका हुन् ।”
नेकपा एमालेको महाधिवेशनलाई शुभकामना दिएको भए उनको कद बढ्दथ्यो भन्दै उनले त्यो तहको नेताले गरेको व्यवहारले उनको आफ्नै ख्यातीमा कमी आउने थापाको भनाई थियो ।
महाधिवेशन एमालेका निम्ती सर्वोपरी आयोजना भएको भन्दै विद्यानको व्यवस्था अनुसार भएको कार्यक्रम मात्रै भएको बताए । पार्टीको नियमित आवधिक काम भएको उनको भनाई थियो । कसैलाई तार्केट गरेर घेरावन्दी गरेर कार्यक्रम नगरिउको उनको भनाई थियो । महाधिवेशन अघि पनि पछि पनि प्रदर्शन भएका छटपटीहरु राजनीतिक संस्कारहितनताका अभिव्यक्ति भएको उनको तर्क थियो ।
केही दिन अघि चितवन आएका प्रचण्डले एमालेको महाधिवेशनमा उर्लिएको र्यालीलाई पञ्चर्यालीको संज्ञा दिएका थिए । त्यसैको काउण्टर थापाले आज दिएका हुन् । कार्यक्रममा पार्टी सचिव एवम प्रचार विभाग प्रमुख योगेश भट्टराइले सुरक्षा निकायलाई स्रोत मान्दै सात लाख जनता चितवन आएको दावी गरे । यतिका जनता अन्य कुनैपनि पार्टीले ल्याउन नसक्ने उनको भनाई थियो ।
