काठमाडौं । नेपाल भ्यालुयर्स एसोसिएशनमा आबद्द इन्जिनियरिङ कन्सल्टेन्सी अन्र्तगतका प्राविधिक इन्जिनियरहरुले गायक योगेश्वर अमात्यको जग्गा प्रकरणमा पक्राउ परेका ई।राजेस कुमार चौरासीयालाई रिहाईको माग गर्दै कुमारी बैंकको प्रादेशिक कार्यालयमा १ घण्टा धर्ना दिएको छ ।
गायक अमात्यको बारास्थित जग्गाको नक्कली लालपूर्जा बनाएर १९ करोड रूपैयाँ ठगी गरेको अभियोगमा कुमारी बैंकका कर्मचारीसहित चौरासीयालाइ प्रहरीले पक्राउ गरेको छ ।
एसोसिएशनले बैकंले उपलब्ध गराएको कागजातहरुको शुद्दताको परिक्षण गर्ने कार्य मुल्याकंनकर्ताको जिम्मेवारी नरहेको भन्दै चौरासीया लाई रिहाई गर्न माग गरेको छ । नेपाल राष्ट्र बैकंबाट मुल्याकंन प्रक्रिया सम्बन्धी स्पष्ट मापदण्ड एवम निर्देशिका जारी नभएसम्म चरणवद्द आन्दोलाको घोषणा गर्ने एसोसिएशनले जनाएको छ । थप आन्दोलनका कार्यक्रम अन्र्तगत बुधवार ११ बजे एन.बिए अफिस धर्ना ,कुमारी बैकका शाखामा विरोध धर्ना रहेका छन ।
