गैँडाकोट । प्रहरीले गैँडाकोटका जुवाडेहरुमाथि कडा निगरानी राख्न थालेको छ । श्रृखलावद्ध यहाँबाट जुवाडेहरु पक्राउ परिरहेका छन् ।
पछिल्लो पटक जिल्ला प्रहरी कार्यालय नवलपरासी (पूर्व) ले दिएको जानकारी अनुसार कार्तिक १६ गते मध्यरातिमा गैडाकोट १४ भेलेन्टाँडिबाट नारायण घर्तीको घरमा पैसाको हार जित हुने गरी जुवातास खेलि रहेको अवस्थामा नगद १९ हजार ३१५ रुपैयाँ र ३ बुक तास सहित पक्राउ परेका हुन् ।
पक्राउ पर्नेहरुमा गैँडाकोट १४ बस्ने वर्ष २६ को मनिराज हमाल, वर्ष ५५ को राज कुमार श्रेष्ठ, वर्ष ५१ को नारायण घर्ति, वर्ष २५ को गणेश हमाल , वर्ष २५ को रविन सापकोटा रहेका छन् । उनीहरुमाथि मुलुकी अपराध संहिता २०७४ को परिच्छेद ५ को दफा १२५ बमोजिम कसुर अन्तर्गत अनुसन्धान कार्य अघि बढाईएको सूचना अधिकारी डिएसपी दिलीप गिरीले जानकारी दिनुभयो ।
त्यस्तै कार्तिक १६ गते राति साँढे १ बजेको समयमा गैडाकोट १० भैसाखोरीबाट बर्ष ४७ को डिल्लीराम सापकोटाको सापकोटा न्यू तन्दुरी होटल एण्ड रेष्टुरेन्टमा पैसा हार जित हुने गरी जुवातास खेलि रहेको अवस्थामा नगदरू. १ लाख २५ हजार ३५ र १ बुक तास सहित पक्राउ परेका छन् ।
पक्राउ पर्नेहरुमा गैडाकोट १० बस्ने बर्ष ४७ को डिल्लीराम सापकोटा, बर्ष ४९ को शंकर शर्मा, बर्ष ३२ को ईश्वर क्षेत्री, बर्ष ३३ को बोधराज खराल, बर्ष ४३ को कृष्ण भुजेल र बर्ष ३४ को मनोज गुरुङ रहेका छन् ।
प्रहरीले कार्तिक १० गते करिव ४ बजे गैडाकोट ४ पुर्ण बहादुर गुरुङको होटलमा हार जित हुने गरी जुवा तास खेली रहेका ब्यक्तीहरुलाई नगद रकम रु. ५५ हजार ४०(अक्षेरुपी पचपन्न हजार चालीस रुपैया मात्र) र ३ बुक तास सहीत नियन्त्रणमा लिइएको थियो । प्रहरीका अनुसार गैडाकोट ४ बस्ने वर्ष ३२ को राजु परियार,वर्ष २६ को अर्जुन पौडेल, वर्ष ३२ को आशिष श्रेष्ठ, गैडाकोट १ बस्ने वर्ष २८ को बुद्ध लामा छन् ।