गैंडाकोट । स्थानीय जनगणना कार्यालय गैंडाकोट ले गणकहरुका लागि संचालन गरेको तालिम सम्पन्न भएको छ। लक्ष्मी मावि गैंडाकोटमा चार दिन कार्तिक १३देखि १६ सम्म सचालन भएको तालिम हिजो मंगलबार सकिएको हो ।
तालिमको अन्तिम दिन हिजो नगरप्रमुख छत्रराज पौडेलले निरिक्षण गर्दै सत्य तथ्य तथ्यांक ल्याउन आग्रह गर्नुभयो । जनगणनाको मुख्य खम्बा नै गणक भएकाले ठूलो जिम्मेवारी का साथ फिल्डमा गएर सही तथ्यांक संकलन गर्न सुझाव दिनुभयो । १० वर्षमा एक पटक हुने यो अभियानमा आफ्नो दायित्व सम्झिएर यथार्थ विवरण उपलब्ध गराईदिन जनतालाई आग्रह समेत गर्नुभएको छ । साथै संघियता पछि भएको स्थानीय तहको निर्वाचन पछिको पहिलो जनगणना कार्यक्रम भएकाले जनप्रतिनिधिको पनि ठूलो सहयोग र चासो रहने भन्दै पौडेलले विवरण लिन कठिन हुने ठाउँमा सहजिकरण गर्ने प्रतिवद्दता समेत व्यक्त गर्नुभयो ।
स्थानीय जनगणना अधिकारी देबेन्द्र गौतमले बुलिङटार,गैडाकोट र देवचुलीका लागि छनौट भएका गणकहरु तालिममा सहभागी भएको बताउनुभयो । तालिममा सहभागीहरु कार्तिक २५ गते विहान ९ बजेदेखि फिल्ड मा खटिने छन् । मंसिर ९ सम्म तथ्यांक सकलन गरिने जानकारी दिदै आफ्नो यथार्थ विवरण गणकहरुलाई टिपाईदिन अनुरोध गर्नुभएको छ । यस पटकको जनगणनामा धेरै प्रश्नहरु रहेको र उतरदाताको सौहार्द सहयोगविना सम्भव नहुने भन्दै विवरण सहजै उपलब्ध गराईदिन स्थानीय सग उहाको आग्रह थियो ।
जनताले उपलब्ध गराउने सवै विवरण तथ्यांक एेन २०१५ अनुसार गोप्य रहने भन्दै गौतमले जति यथार्थ विवरण जनताबाट आउछ त्यतिनै राज्यले बनाउने नीति निर्माण,योजना,कार्यक्रम प्रभावकारी हुने बताउनुभयो । यस पटक सकलन गरिएको तथ्यांक नै अवको १० वर्षसम्म प्रयोग भईरहने उहाँको भनाई थियो । तथ्यांक संकलनका क्रममा गणकहरुले कठिनाइ भोग्नुपरेमा आफूहरु सहित सुपरिवेक्षकले समेत सहजिकरण गर्ने र गणकहरुलाई कोही कसैले दुर्ववहार जस्ता कार्य गर्नेहरुलाई कानुनी कारवाहिको समेत व्यवस्था रहेको जानकारी दिनुभयो । सम्भव हुदासम्म गणकले उत्तरदाता वा परिवारमुलीहरुलाई जनगणना को महत्त्व र आव्शयकताका बारेमा जानकारी गराउदै अनुशासन भई विवरण लिन सुझाव दिनुभयो ।
यो पटक अक्सर (धेरै बसोबास गर्ने) वसोवास गर्ने आधारमा गणना हुदैछ । यो पटक गैंडाकोटमा ९९ जना,देवचुलीमा ७० र बुलिङटारमा २१ जना गणकहरु खटिने स्थानीय जनगणना अधिकारी देवेन्द्र गौतमले जानकारी दिनुभयो ।
