नवलपुर । नवलपरासीपूर्वको मध्यविन्दु ७ चोरमारामा मोटरसाईकल दुर्घटना हुँदा एक जनाको मृत्यु भएको छ । गम्भीर घाईते भएका चोरमाराका ३० बर्षीय नेत्र बहादुर मिदुनको निधन भएको नवलपुर प्रहरीले जानकारी दिएको छ ।

बजाज कम्पनिको एन.स बाइक गण्डकी प्रदेश ००१ ०४ प। २७४८ नम्बरको मोटर साईकल चोरमाराबाट अम्रसा जाने क्रममा रुखमा ठोकिएर दुर्घटना भएको तम्सारिया प्रहरी चौकीले जनाएको छ ।

दुर्घटना लगतै प्रहरीले उद्वार गरि मध्यविन्दु जिल्ला अस्पताल लगिएकोमा अस्पतालले मृत घोषणा गरेको अस्पतालका सूचना अधिकारी छबिलाल सुवेदीले जानकारी दिनुभयो ।

दुर्घटना पछि मोटरसाईकल क्षत् विक्षत् अवस्थामा रहेको प्रहरीले जनाएको छ । दुर्घटनाको कारण भने खुलिसकेको छैन ।