चितवन । नेकपा एमालेले आफ्नो १० औँ महाधिवेशनमा विद्युतीय भोटिङ मेशीन प्रयोग गर्ने भएको छ । चितवनमा हुने महाधिवेशनका लागि प्रयोग गर्ने मेशीनवारे हिजो अनुगमन गरिएको छ ।

आगामी मङ्सिर १० देखि १२ गतेसम्म चितवनमा हुने १० औं माहाधिवेशनमा मतदानको लागि प्रयोग हुने विद्युतीय भोटिङ मेशिनको बारेमा निर्वाचन आयोगले स्थायी कमिटीका सदस्य लगायत लाई यसको प्रयोग गर्ने विधि साथै अन्य विषयमा जानकारी गराएको थियो । पार्टी उपाध्यक्ष भिम रावलले नमूना विद्युतीय भोटिङ मेशिनमा भोट समेत गरेका थिए ।

महाधिवेशनका लागि हेरिएका ठाउँ लगायत अन्य विषयमा छलफल गर्न कार्तिक १५ गते नेकपा एमाले अध्यक्ष एवम पूर्व प्रधानमन्त्री केपी शर्मा ओली चितवन आउने कार्यक्रम तय भएको छ। वुटवलमा गर्ने भनिएपनि अन्तिममा चितवनमै महाधिवेशन गर्ने निर्णय एमालेले गरेको थियो । त्यसलाई लिएर प्रचण्डले आफूलाई टार्गेट गरेर यहाँ महाधिवेशन गर्न लागिएको बताउँदै आफूलाई फाइदानै हुने प्रतिक्रिया दिइरहेका छन् ।

तर महाधिवेशनको तयारीमा जुटेको नेकपा एमाले चितवनले भने यस अघिनै पत्रकार सम्मेलनमा यो महाधिवेशन कुनै व्यक्ति लक्षित नभएर पार्टीको नियमित प्रकृया भएको प्रष्ट पारिसकेको छ । अहिले सम्म एमालेको उद्घाटन सत्र नारायणी नदी किनार र वन्द सत्र सौराहामा गर्ने विषयमा छलफल भएको छ ।