गैँडाकोट । जिल्ला प्रहरी कार्यालय नवलपरासी (पूर्व) ले गैँडाकोट ४ मा जुवा खेलिरहेकालाई नियन्त्रणमा लिएर सार्वजनिक गरेको छ । हारजित हुनेगरी जुवातास खेलिरहेको भन्य गोप्य सूचना पाएर उनीहरुलाई इलाका प्रहरी कार्यालय गैँडाकोटले नियन्त्रणमा लिएको थियो ।
जिल्ला प्रहरी कार्यालय नवलपुरका सूचना अधिकारी डिएसपी दिलीप गिरीका अनुसार पक्राउ पर्नेहरुमा गैडाकोट नगरपालिका ४ बस्ने वर्ष ३२ का राजु परियार, वर्ष २६ का अर्जुन पौडेल, वर्ष ३२ का आशिष श्रेष्ठ,.गैडाकोट नगरपालिका १ बस्ने वर्ष २८ का बुद्ध लामा रहेका छन् ।
उनीहरुलाई हिजो दिउसो करिव ४ बजेतिर गैडाकोट ४ पुर्ण बहादुर गुरुङको होटलबाट जुवा तास खेली रहेको अवस्थमा नियन्त्रणमा लिएको गिरीले जानकारी दिनुभयो ।
उनीहरुको साथबाट नगद रकम रु. ५५,०४०(अक्षेरुपी पचपन्न हजार चालीस रुपैया मात्र) र ३ बुक तास पनि नियन्त्रणमा लिएको र उनीहरुविरुद्ध मुलुकी अपराध संहिता २०७४ को परिच्छेद ५ को दफा १२५ बमोजिम कसुर अन्तर्गत अनुसन्धान कार्य अघि बढाईएको डिएसपी गिरीले जानकारी दिनुभयो ।
