चितवन । चितवनबाटै चुनाव लड्ने र यसमा चितवनवासी भ्रममा नपर्न आग्रह गरेका प्रचण्ड घरदैलोमा व्यस्त रहेका छन् ।
नेकपा माओवादी केन्द्रका अध्यक्ष एवम पूर्व प्रधानमन्त्री पुष्पकमल दाहाल प्रचण्ड चितवन क्षेत्रनम्वर ३ मा व्यस्त रहेका उहाँका स्वकीय सचिव गंगा दाहालले जानकारी दिनुभयो ।
कार्तिक ९ गते मंगलवार बेलुकीपख चितवन आइपुगेका प्रचण्ड आफ्नो निर्वाचन क्षेत्रका जनतासँग अन्तरक्रिया गर्दै व्यस्त हुनुभएको हो । अहिले सहिद परिवार देखि विभिन्न राजनीतिक दलसँग छलफल पनि गरेका छन् । आफू चितवनबाटै निर्वाचन लड्ने बताउँदै घरदैलोमा व्यस्त देखिनुलाई चुनावी तयारीको रुपमा हेरिएको छ ।
नेकपा एमालेले आफ्नो १० औँ महाधिवेशन चितवनमा गर्ने निर्णय सँगै प्रचण्डको चितवन दौडधुप वाक्लिएको छ । शुक्रबार भरतपुरस्थित पार्टी कार्यालयमा प्रचण्डको प्रमुख आतिथ्यतामा शुभकामना आदानप्रदान कार्यक्रम राखिएको छ ।
केपी शर्मा ओली प्रधानमन्त्री हुँदा चितवनलाई विकास गर्न वाइपास गरेको आरोप लगाउन नछाड्ने प्रचण्डले गत चुनावमा धेरै सपना बाँडेका थिए । विशेष गरी माडी पुग्न निकुञ्ज हुँदै ओभरव्रिज गराउने वा सडक कालोपत्रे गर्ने आदि भनेपनि काम भएको छैन । अहिले गठवन्धन सरकार हुँदा त्यतिवेलाका योजना पूरा गर्न लागि परेको बताइन्छ ।
