रामेछाप । रामेछाप जिल्लाको मन्थली नगरपालिका–९ पुरानागाउँस्थित पुण्य आधारभूत विद्यालयलाई माओवादी केन्द्र समर्थित जनप्रगतिशील मञ्च स्पेन र स्थानीय समाजसेवी दिनेशकुमार गिरीले नगद सहयोग गर्नुभएको छ ।

विद्यालयमा आयोजित एक कार्यक्रमकाबीच जनप्रगतिशील मञ्च स्पेनबाट प्राप्त भएको नगद रु.१ लाख र दिनेशकुमार गिरीबाट प्राप्त भएको रु.१ लाख गरी २ लाख रुपैयाँ नगद सहयोग हस्तान्तरण गरिएको हो।

कार्यक्रममा युवा नेता तथा समाजसेवी राजीवराज गिरी र विद्यालय व्यवस्थापन समितिका अध्यक्ष गोकर्णराज आरनले आफ्ना भनाइ राख्दै सहयोगी दाताहरुलाई धन्यवाद दिनुभएको थियो । सो अवसरमा विद्यालयका तर्फबाट सहयोगी दाताहरुलाई सम्मानसमेत गरिएको थियो।