चितवन । जिल्ला प्रहरी कार्यालय चितवनले आश्विन महिनाको उत्कृष्ट प्रहरीको पुरस्कारबाट प्रहरी हवल्दार विष्णु मल्ललाई सम्मानित गरेको छ ।
ईलाका प्रहरी कार्यालय खैरहनी चितवनमा कार्यरत मल्लले सुराकी लगायतको कार्यबाट लागूऔषध कारोवारी, जुवातास खेल्नेलाई पक्राउ गर्न सफल भएको,नदीजन्य पदार्थहरु अवैध रुपमा उत्खननमा संलग्न ट्याक्टरहरु नियन्त्रणमा लिएको लगायतका कार्यबाट उहाँलाई उत्कृष्ट प्रहरी घोषित गरेको प्रहरी प्रमुख प्रहरी उपरीक्षक ओम प्रसाद अधिकारीले जानकारी दिनुभयो ।
प्रहरीको ऐन नियम आचारसंहिताको पूर्ण पालना सहित आफ्नो कर्तव्य पालनामा अहोरात्र खटिएर गरेको कार्यसम्पादन उत्कृष्ट र प्रसंसायोग्य रहेको अधिकारीले बताउनुभयो ।अपाराध नियन्त्रण तथा अनुसन्धान गर्ने कार्यमा विशेष योगदान पुर्याउनुभएको र उहाँको कार्यवाट अन्य प्रहरी कर्मचारीलाई समेत प्रेरणा मिल्ने विश्वास लिएको अधिकारीको भनाई छ ।
चितवन प्रहरीले हरेक महिना उत्कृष्ट प्रहरी घोषित गर्दै सम्मान गरिरहेको छ । यसले आफ्नो नियमति कार्यमा खटिन थप प्रेरणा मिल्ने गरेको प्रहरीहरु बताउँछन ।