भरतपुर । चितवनको भरतपुर महानगरपालिका ६ गीतानगरमा आज दोहोरी साँझ हुने भएको छ ।
यस क्षेत्रमानै पहिलो पटक दोहोरी साँझ हुने गएको हो । थाईल्यान्डको ब्रान्चका रुपमा खोलीएको हिमालय रेष्टुरेण्ट एण्ड कटेज ले पहिलो पटक दोहोरी साँझ गर्न लागेको हो ।
थाईल्यान्डमा एक दशक सम्म रेष्टुरेन्ट एण्ड बार संचालन गरेका सुर्य पाहारीले गीतानगरको नेपाल विद्युत अफिस अगाडि संचालनमा ल्याउनु भएको हिमालय रेष्टुरेण्ट एण्ड कटेजको शुभारम्भको अवसरमा दोहोरी साँझ गर्न लागिएको जानकारी दिनुभयो ।
तीन सय जना अट्ने हल सहितको हिमालय रेष्टुरेण्ट एण्ड कटेज संचालनमा ल्याएको र हरेक महिनाको एक दिन दोहोरी साँझ गर्ने लक्ष्य पनि छ ।
आज साँझ ६ बजे देखि सुरु हुने दोहोरी साँझमा राजु परियार , टिका सानु ,सरोज बिरही कार्की र अस्मिता डि.सीको दोहोरी प्रस्तुती रहने छ । हिमालय रेष्टुरेण्ट एण्ड कटेजले बम्पर अफर र सेवा सुविधा सहित एक हजार र दुई हजारको टिकट शुल्क राखेको छ ।
झण्डै १ करोडको लगानीमा सञ्चालनमा ल्याईएको यस हिमालय रेष्टुरेण्ट एण्ड कटेज ४ वटा सुविधा सम्मपन कोठाहरु पनि छन् ।
