चितवन । नेपालमा पाँच वर्षको अन्तरालमा १ अर्ब रुपैयाको तास आयत भएको तथ्याङ्क सार्वजनिक भएको छ ।
बितेको पाँच वर्षमा मात्रै नेपालमा ६ करोड ६२ लाख प्याकेट तास आयात भएको हो । भन्सार विभागका अनुसार यो पाँच वर्षमा १ अर्ब ५ करोडको तास आयात भएको हो । चालु आर्थिक वर्षको तथ्यांक पनि जोड्ने हो भो आँकडा १ अर्ब १० करोड रुपैयाँ पुग्नेछ ।
गत आर्थिक वर्ष २०७७/७८ मा मात्रै एक रोड ३४ लाख प्याकेट तास आयात भएको हुँदा २७ करोड ४९ लाख बाहिरिएको थियो । आर्थिक वर्ष २०७६/७७ मा २३ करोड ५४ लाख मूल्यको १ करोड ३२ लाख प्याकेट तास , २०७५/७६मा अहिलेसम्मकै सबैभन्दा धेरै १ करोड ५७ लाख प्याकेट तास आयात गर्दा २५ करोड ६ लाख रुपैया वाहिरएको थियो ।
त्यस्तै आर्थिक वर्ष २०७४/७५ मा १४ करोड ५७ लाखको १ करोड २१ लाख प्याकेट ,आर्थिक वर्ष २०७३/७४मा १ करोड १५ लाख प्याकेट तास १४ करोड ५६ लाख मूल्यमा आयात भएको थियो । दशैं अघि मात्रै ५ करोड ३१ लाख मूल्यको तास नेपाल भित्रिएको भन्सार विभागको तथ्यांकमा उल्लेख रहेको छ ।
विशेष गरी दसैँ तिहार जस्ता पर्वमा तास खेल्नेहरु धेरै पाइन्छ । प्रहरीले पटक पटक तास खेल्नेहरु पक्राउ गरेपनि तास आयात हुनेक्रम भने रोकिन सकेको छैन । तास खेल्नु कानुन विपरीतको कार्य हुन्छ । तर आयात नरोकिनु आफैमा अनौठौ रहेको छ ।
(अनलाइनखबरको डाटामा आधारित भएर तयार पारिएको समाचार)
