चितवन ।कार्तिक ९ गतेलाई आह्वान गरिएको प्रतिनिधि सभा बैठक दुई दिन पर सरेको छ । ९ गते प्रमुख विपक्षी नेकपा एमालेको पालिका अधिवेशन परेकाले प्रतिनिधिसभाको बैठक सारिएको संसद सचिवालयले जनाएको छ । ९ गते एमालेले देशभर पालिका अधिवेशन गर्दैछ ।
अर्को बैठक कार्तिक ११ गते दिउँसो २ बजे बैठक बस्ने तय भएको संसद सचिवालयले जनाएको छ । प्रमुख विपक्षि दल नेकपा एमालेले निरन्तर रुपमा संसद अवरुद्ध गर्दै आइरहेको छ । सभामुख अग्नि सापकोटाले तटस्थ भूमिका निर्वाह नगरेको भन्दै बैठकपिच्छे अवरुद्ध गर्दै आएको हो ।
पार्टीले कारवाहीका लागि सिफारिस गरी पठाउँदा पनि एक्सन नलिएको उल्टै पार्टी फु्टाउने मतियार बनेको भन्दै निरन्तर विरोध जनाउँदै आएको छ । नेकपा एमालेले यस विरुद्ध सर्वोच्चमा रिट समेत दर्ता गरेको छ ।
सभामुखले उक्त रिटलाई लिएर अदालतमा विचाराधिन विषयमा ससदमा छलफल गर्न नमिल्ने तर्क गर्दै अवरोधका वीच पनि संसद चलाउँदै आइरहनुभएको छ।
