चितवन । बोलेरो गाडीले ठक्कर दिँदा चितवनमा भाले चित्तलको मृत्यु भएको छ ।
जिल्ला ट्राफिक प्रहरी कार्यालय चितवनका प्रमुख प्रहरी निरीक्षक भगवानराज थापाका अनुसार आज विहान ८ बजेर १५ मिनेटको समय पूर्व पश्चिम राजमार्गको टिकौली जंगलमा बोलेरोले ठक्कर दिएको हो ।
करिव २ वर्षको उक्त चित्तल डिभिजन वन कार्यालय भरतपुरलाई जिम्मा लगाइएको छ। ठक्कर दिने चालक र गाडी प्रहरीले नियन्त्रणमा लिएको थापाले जानकारी दिनुभयो ।ठक्कर दिने बोलेर नियन्त्रणका लागि जिल्ला ट्राफिक प्रहरी कार्यालय र गोन्द्राङ ट्राफिक खटिएका थिए ।
भरतपुर र रत्नगर जोड्ने पूर्व पश्चिम राजमार्ग समेत रहेको यो खण्डमा पटक पटक गाडीको ठक्करबाट चित्तल तथा हरिणहरुको मृत्यु भइरहेको छ । वन्यजन्तु वारपार गर्ने अण्डर पास वा ओभरव्रिज नहुँदा दुर्घटना भइरहेको पाइएको छ ।