चितवन । लोकसेवा आयोगलाई अपशब्द प्रयोग गरी गालीगलौज गर्ने एक जना कारवाहीमा परेका छन् ।

अनलाइन फारम भर्दा आवश्यक प्रमाण पत्र इमेल मार्फत माग गर्दा प्रदेश २ को लोकसेवा आयोगलाई ती व्यक्तिले अपशब्द प्रयोग गरी मेल गरेका थिए ।

आयोगले महोत्तरी जिल्लाका प्रनित कुमार झा लाई एक वर्षका लागि कालोसूचिमा राखिदिएको हो ।

झा ले आयोगले गरेको विज्ञापनमा अनलाइन मार्फत दरखास्त दिएका थिए । उनले अनलाइन फारम भर्ने क्रममा कुनै पनि प्रमाणपत्र पेस नगरेको र प्रमाण अपुग रहेको भन्दै आयोगले इमेलमार्फत् जवाफ माग गरेको थियो ।

तर उनले आयोगको इमेलको जवाफ नदिएर अपशब्द सहित गालीगलौज गरेको प्रदेश लोकसेवा आयोगले जनाएको छ ।