चितवन । एक किलो काँक्रो रु. ५ मा पनि विक्रि गर्न कठिन भइरहेको किसानले गुनासो गरेका छन् । तिहार लक्षित काँक्रो उत्पादन गरेपनि भाउ नपाएको समस्या व्यक्त गरेका हुन् ।
युवा आधुनिक सामुहिक खेति फर्म भरतपुर चितवनका लेखनाथ भुषालले तिहार लक्षित भनेर आफूहरुको समूहले करिव १५ बिग्गामा काँक्रो खेती गरेर अहिले विक्रि गर्नेसमय भएपनि बजार नपाएको गुनासो गर्नुभएको हो । फेसबुकमा लाइभ गर्दै उहाँले, “बिक्रिका लागि काँक्रो टिप्ने समय भइसकेको छ । फल राम्रो छ तर बजारीकरणमा भाउ पाउन कठिन भइरहेको छ । ”
यहाँको उत्पादन दुर्घम क्षेत्रका बजारमा पुग्ने बातावरण गराउन आग्रह गर्दै कम्तिमा उपभोक्ताले रु.१० रुपैयाँ किलोमा काँक्रो खान पाउने व्यवस्था मिलाउन सरकारले सहयोग गर्नुपर्ने बताउँदै अहिले दलालीकरणबाट महँगोमा गुणस्तर नभएको काँक्रो खानुपर्ने अवस्था रहेको भुषालको दावी छ ।
त्यस्तै सरकारी कर्मचारीनै नेपाली उत्पादनलाई वेवास्ता गर्न सक्रिय रहेको भन्दै, ‘कर्मचारीले तलव नेपाली जनताको करबाट खान्छन् की भारतबाट ? मलाइ त नेपाली जनताको करबाट खान्छन जस्तो लाग्छ । फेरि किन भारतबाट आउने कृषि उपजलाई प्राथमिकता दिन्छन्? पत्रकारहरुले यसवारे सोधिनदिन आग्रह छ ।’
भन्सारका सरकारी कर्मचारीले समेत नेपाली किसानलाई र उनीहरुको उत्पादनलाई हेप्ने गरेको भुषालको गुनासो छ ।
राम्रो उत्पादन हुँदापनि बजार नपाउनु किसानका लागि दुखद क्षण भएको भन्दै उहाँले एक विघामा काँक्रो लगाउँदा करिव ३ लाख लगानी भएको बताउनुभयो । यसरी करिव ४५ लाख लगानी गरेर उत्पादन गरेपनि काँक्रो विक्रि नभएपछि अहिले टिपेर बारीमै राख्नुपर्ने वाध्यतामा रहेको गुनासो गर्नुभयो । हालसम्म २ लाख रुपैयाँ बरावरको मात्रै काँक्रो बिक्रि भएको र खर्च उठाउन कठिन हुनै बताउनुभयो । अहिलेकै अवस्था र मूल्य भइरहे लगानीको आधा पनि नउठ्ने खतराले चिन्तामा रहेको बताउनुभयो ।
तिहार र छठसम्म मूल्य बढेर आउनेमा आफूहरु आशावादी रहेको भन्दै स्वदेशकै उत्पादन विक्रि भइनरहदा भारतबाट काँक्रो आयातलाई प्राथमिकता दिएकौ भन्दै त्यसलाई रोक्न उहाँको अनुरोध छ ।
स्वदेशको उत्पादनलाई बजारीकरण गर्न सरकारलै प्राथमिकता दिनुपर्नै भएपनि त्यसो नहुँदा चितवनमा उत्पादन भइरहेका काँक्रो सहित फर्सी, टमाटरहरुकौ उत्पादन भइरहेको र बजारीकरणमा सहयोग गरी किसानलाई बचाउन सरकारसँग उहाँको माग छ ।
किसान पलायन भए अझ बढी देश परनिर्भरतामा जानै भन्दै समयमै किसानको गुनासो सुनिदिन सरकारलाई उहाँको आग्रह छ । यूवाहरु मिलेर सामूहिक प्रयासमा कृषि खेति गर्दै आएको भन्दै उहाँले किसानलाई पलायन हुनै अवस्थाबाट समयमै बचाउन राज्यसँग माग गर्नुभएकौ छ ।
